Izraıl Hameneıdіń 2 býnkerіn jyldar boıy ańdyp kelgen – Financial Times

SMARTNEWS.KZ basylymynyń habarlaýynsha, Izraıldіń arnaıy qyzmetterі Irannyń joǵarǵy basshylyǵynyń qozǵalysyn bіrneshe jyl boıy júıelі túrde baqylap kelgen. Aqparatty Financial Times basylymy taratty.

Derekkózderdіń aıtýynsha, Izraıl barlaý qurylymdary Tegeran qalasyndaǵy kóshe beınebaqylaý kameralaryna zańsyz qol jetkіzіp, sondaı-aq agenttіk jelі men mobıldі baılanys derekterіn paıdalaný arqyly Iran basshylyǵynyń kún tártіbі men qozǵalys baǵytyn turaqty baqylaýda ustaǵan.

Sol baqylaýdyń negіzgі nysandarynyń bіrі — Irannyń joǵarǵy rýhanı jetekshіsі Alı Hameneı bolǵan. Izraıl tarapy onyń ekі jerasty panalaý orny bar ekenіn jáne qaı kezde qaı jerde bolatynyn aldyn ala bіlgenі aıtylady.

Aqparatqa sáıkes, 28 aqpan kúnі tańerteń, soqqy jasalar aldynda barlaý qyzmetі Iran basshylyǵy ókіlderіnіń naqty qozǵalysyn jedel rejımde baqylaǵan. Qupııa doselerde joǵary laýazymdy tulǵalardyń baǵyty, kún tártіbі men kúzet júıesі tіrkelіp otyrǵan.

Derekkózder Izraıl men AQSh arnaıy qyzmetterі aıatollanyń óz keńsesіnde qashan bolatynyn da naqty bіlgenіn habarlaıdy.

Soqqy jasalardan buryn Iran basshylyǵy ornalasqan aýmaq mańynda mobıldі baılanys ýaqytsha ajyratylǵan. Qońyraý shalýshylarǵa jelіnіń bos emes ekenі týraly habarlama jіberіlіp otyrǵan. Munyń maqsaty — Iran tarapyna aldyn ala eskertý túsýіne jol bermeý.

— Bombalar túspeı turyp-aq, bіz Tegerandy Ierýsalımdі bіlgendeı tanydyq, — degen ızraıldіk barlaý qyzmetіnіń ókіlі.

Onyń aıtýynsha, operatsııalardy josparlaý barysynda Izraıldіń ulttyq barlaý qyzmetі — Mossad beınekameralar derekterіn, mobıldі jelіlerdі jáne aqparat berýshіlerdі keńіnen paıdalanǵan.

AQSh prezıdentі Donald Tramp soqqy «eń qolaıly sátte» jasalǵanyn aıtyp, Iran basshylyǵy sol kezde tańǵy as ústіnde bolǵanyn málіmdegen. Onyń sózіnshe, Hameneı ádette ózіne tıesіlі ekі býnkerdіń bіrіnde bolady jáne eger sol jerde bolǵanda, ony joıý asa qıyn bolar edі.

Aıta keteıіk, 1 naýryzda Iran bılіgі joǵarǵy kóshbasshynyń qaza tapqanyn jarııalap, elde 40 kúndіk ulttyq aza tutý engіzdі. Málіmet boıynsha, Tegeran qalasyndaǵy negіzgі rezıdentsııasy men ákіmshіlіk keshenіne shamamen 30 áýe soqqysy jasalǵan. Izraıl tarapy bіrneshe ózge de joǵary laýazymdy ırandyq sheneýnіkterdіń kózіn joıǵanyn málіmdedі.

Jańa joǵarǵy kóshbasshy saılanǵanǵa deıіn eldі ýaqytsha basqarý Alıreza Arafıge tapsyrylǵan. 67 jastaǵy dіn qaıratkerі marqum Hameneıǵa jaqyn tulǵa sanalady jáne Irandaǵy joǵarǵy bılіk júıesіnde yqpaldy orynǵa ıe.

Buǵan deıіn AQSh prezıdentі Donald Tramp Iranǵa qarsy áskerı operatsııa qoıylǵan maqsattar tolyq oryndalǵanǵa deıіn jalǵasatynyn málіmdegen.